Ağgöl kənarındaquşların seyri
Ağgöl Milli Parkı Ağcabədi və Beyləqan rayonları ərazisində, çöl və yarımsəhra ilə əhatə olunmuş Ağgöl gölünün ətrafında yerləşir. Kür və Araz çaylarının daşması nəticəsində yaranmış Ağgöl dəniz səviyyəsindən aşağıda yerləşir. Ağgöl Milli Parkında il boyu 140-dan çox quş növü məskunlaşır və yuva qurur. Vağlar, qaranaz, ərsindimdik, kiçik qarabatdaq və çox sayda qışlayan qazlar (bəzən Azərbaycanın “Qırmızı kitabı”na daxil olan və nəsli tükənməkdə olan ağqaş qaz da daxil olmaqla), ördək və su quşlarına bu Milli Parkda rast gəlinir. Ağgöl mühüm su-bataqlıq ərazisi kimi miqrasiya edən quş növlərinin qışlama yeri olub, “Əsasən su quşlarının yaşama yerləri kimi beynəlxalq əhəmiyyəti olan su-bataqlıq əraziləri haqqında” “Ramsar siyahısı”na daxil edilmişdir. Gölün adının buradakı quşların ağ lələklərindən götürüldüyü hesab olunur. Ağgöl sahillərində mərməri cürə, ağgöz dalğıc, göydimdik, bəzgək, sultan quşu və turac müşahidə oluna bilər. Quş növlərindən əlavə, Milli Parkda ceyran, canavar, qamışlıq pişiyi, tülkü, vəhşi ayı, ilan və tısbağalara rast gəlmək olar
Əraziyə xas quşlar
Qışda:
Sultan toyuğu (Porphyrio porphyrio)
Göydimdik ördək (Oxyura leucocephala)
Ağquyruq çökükburun (Vanellus leucurus)
Qızılı qonurqanad (Pluvialis apricaria)
Yayda:
Ağqaş qaz (Marmaronetta angustirostris)
Ağgöz qara ördək (Aythya nyroca)
Çöl belibağlısı (Circus macrourus)
Ən uyğun dövrlər
Payızın və yazın sonu
Gecələmə
Ağcabədi və Bərdə şəhərləri yaxınlığında gecələmək üçün hotel tapa bilərsiniz.
