Azərbaycanda Slou Fud Səyahət daha çox ləzzət, daha az israf

 “Slow Food International” təşkilatı tərəfindən həyata keçirilən “COVCHEG” layihəsi (“Azərbaycanda Böyük Qafqaz Dağları Ərazisində İcma Əsaslı Dəyər Zəncirinin Genişləndirilməsi”) turistlər üçün 2021-ci ildə əsası qoyulan “Böyük Qafqaz Slou Fud Səyahət” marşrutunda yer alan təamları və görməli yerləri təcrübə etməyə imkan yaradır. Slou Fud fəlsəfəsi dadlı, təmiz və sosial ədalətlilik prinsiplərinə əsaslanan daha sağlam qidalanmanı təmin edən, milli və regional mətbəx ənənələrini qoruyub saxlayan bir yanaşmadır.