Qaşqaçay – Qumux marşrutu
Difficulty - Yellow 
Qumux kəndi qədim yaşayış məskənlərindən hesab olunur. Belə ki, yaxınlıqda aparılmış arxeoloji qazıntılar zamanı hələ e.ə. 8 – 7-ci əsrlərdə burada yaşayışın olduğu təsbit olunub. Qumuxa gedən bu marşrut üzərindəki aşırımdan açıqlığa çıxdıqda ətraf dağlara və dərələrə geniş mənzərə açılır. Cığırlar hər yerdə aydın seçilir və tam işarələnmişdir.
-
MƏSAFƏ - 5,5 KM
-
YOXUŞ - 200 M
-
ENİŞ - 300 M
-
MAKS. HÜNDÜRLÜK - 1020 M
-
MİN. HÜNDÜRLÜK - 1250 M
-
MÜDDƏT - 2 SAAT 10 DƏQ
Başlanğıc nöqtəsindən işarələri izləyərək kəndin içi ilə davam edin. 100 m irəlidə yol sağa dönərək evlərin arası ilə davam edir və 500 m-dən sonra meşəyə qalxan cığır başlayır. Enli, aydın cığır 1,5 km-dən sonra aşırıma çatır və açıqlığa çıxır. Bu hissədə cığır bir qədər sola aşağı düşüb, meşənin içi ilə – kol basmış köhnə meşə yolu ilə davam edir. Kəndə yaxınlaşdıqca yol daha aydın və geniş olur. 2 km irəlidə yol meşədən açıqlığa çıxır və kəndə yaxınlaşır. Nişanları izləyərək 1,3 km irəlidə Qumux kəndinin əsas yoluna çıxa bilərsiniz.
Mövsüm
May – sentyabr ayları hava şəraiti və günün uzunluğu baxımından ən uyğun vaxtlar olsa da, bu marşrutu il boyunca rahatlıqla keçmək olar. Yağıntılı günlərdən sonra cığırlar palçıqlı olur. İl boyunca cığır üzərində çoban alaçıqları olmur.
Ətraf cığırlar
Turun müddətini uzatmaq üçün bu marşrutu, əvvəlcə, İlisu – Qaşqaçay marşrutu ilə, Qumuxa çatdıqdan sonra isə 7 km maşınla (və ya maşın yolu ilə piyada) gedib, Baş Göynük – Kiş marşrutu ilə birləşdirmək tövsiyə olunur.
Kişdən “Marxal Resort & Spa” istirahət mərkəzinə keçib orada təklif edilən yolsuzluq maşınları ilə Xan yaylağına çıxa bilərsiniz. Həmin yolla piyada çıxmağa icazə verilmir. Xan yaylağına piyada çıxmaq istədikdə xəritədə bir qədər araşdırma edib, Şəki şəhəri ətrafından yaylağa qalxan cığırları peyk görüntlərindən rahatlıqla seçmək olar. Bu marşrutlar hələlik işarələnməyib və təcrübəsiz haykinq həvəskarlarına tövsiyə edilmir. Şəki şəhərindən Orta Vərəzət kəndinə, oradan isə Baş Kəldək kəndinə meşəiçi, asan cığırlarla qısa yürüşlər etmək olar. Əksər turistlərin diqqətindən yayınan Vərəzət və Baş Kəldək kəndlərindəki qədim alban kilsələri elə yolunuzun üstündə rastınıza çıxacaq.
Qidalanma və yerləşdirmə
Hər iki kənddə kiçik dükanlar və kafelər fəaliyyət göstərir. Gecələmək üçün qonaq evləri, hotel və digər yerləşdirmə müəssisələri, eləcə də kafe və restoranların yerini xəritədə tapa bilərsiniz.
Su
Marşrut üzərində su mənbəyi olmasa da, qısa və rahat olduğu üçün su ehiyatı üçün narahat olmağa dəyməz. Yürüşdən kənar çox vaxt keçirmədikdə 1 l su ehtiyatı kifayətdir.
Nəqliyyat
Şəkidən Qaşqaçay kəndinə taksi ilə 12-15 AZN-ə getmək olar (*0066 və ya *5577 taksi xidməti). Qaxdan isə şəhər taksiləri ilə 6-8 AZN-ə getmək mümkündür (“ALO taksi xidməti” +99470 298 9966). Qax avtovağzalından Qaşqaçay kəndinə avtobusla gün ərzində 3 dəfə gedə bilərsiniz (07:30; 13:00; 18:00 (0,70 AZN)).
İcazələr və xüsusi mühafizə edilən ərazilər
Bu marşrutla hərəkət etmək üçün öncədən heç bir icazə almaq tələb edilmir. Marşrut xüsusi mühafizə olunan təbiət ərazilərindən, eləcə də sərhəd mühafizə zolağından keçmir və cığır boyunca heç bir yerdə daimi sərhəd mühafizə postu yoxdur.
Yellow
Trails of this colour are perfectly suitable for beginners. To walk along this trail, you do not need to have previous experience in hiking or trekking. There is no need for any special equipment either.
Clothing and equipment:As with any activity involving physical activity, it is recommended to wear comfortable clothing. In summer, you can walk along trails of this colour in sports shoes. However, in rainy seasons and winter, you need to have waterproof hiking shoes. Specifications of yellow trails:
- Total distance: 3-9 km
- Total elevation gain: 100-400 m
- Total elevation loss: 100-600 m
