Avropada çox populyar olan və bir sıra maraqlı səhnə yozumlarında təqdim olunan “Üç donuz balası” Kukla Teatrının ən son səhnə işlərindəndir.

Qayğısız üç donuz balasından bəhs edilən əsərdə rejissor üç fərqli xarakterdə qəhrəman sayəsində uşaqlara əməksevərlik, tənbəllik və xudbinlik kimi keyfiyyətlərin xarakterə nə qədər böyük təsir etdiyini üzə çıxardır. Nağıl Nif-Nif, Nuf-Nuf və Naf-Naf adlı üç qardaşdan bəhs edir.

Üç fərqli xüsusiyyətli qardaşın başına gələn gülməli və ibrətamiz hadisələrdən bəhs edən tamaşa rəngarəng musiqilərlə zəngindir.