Bu tədbir QR bilet formasında və ya fiziki bilet olaraq şəhərin kassalarında satılır. QR biletlər tədbir günü aktiv olacaqdır. QR biletlərinizi istifadə etmək üçün iTicket.AZ mobil tətbiqində şəxsi hesabınıza daxil olmalısınız.
QR bilet haqqında daha ətraflı:  QR bilet

✨ 7 fevral saat 18:00 və 20:00-da Bakının heyrətamiz gözəlliyə malik tarixi Kamera və Orqan Musiqisi Zalında şam işığında sehrli video instalyasiyalarla unikal bir konsert - Çaykovski axşamı keçiriləcək.

Sizi kirxaya, Çaykovskinin musiqisinin atmosferik video instalyasiyalarla və yüzlərlə şamın işığı ilə harmoniyada səslənəcəyi, sehrli işıqla dolacağı canlı musiqi məkanına - Bakının bayram ruhunun mərkəzinə dəvət edirik. Zal “Şelkunçik”, “Qu gölü” və “Yatmış gözəl” baletlərinin melodiyaları ilə əks-səda verəcək. Qışın sehrini Pyotr İliç musiqisinin möcüzəsi olmadan təsəvvür etmək çətindir.

Bu axşam sizə bayram ab-havası, dərin hisslər və şah əsərlərin ölkənin ən sayılıb-seçilən musiqiçilərinin canlı ifasında estetik zövq bəxş edəcək. Çaykovskinin musiqisi, bayram proyeksiyaları və zalın unikal akustikası sizi əsl qış nağılına aparacaq.

⏰ Başlama vaxtı: 18:00 və 20:00

📍 Məkan: Kamera və Orqan Musiqisi Zalı (Kirxa) 28 may küç. ev.41

Konsertin təşkilatçısının adı - Ars Caspia- latın dilindən tərcümədə “Xəzər incəsənəti” deməkdir. Ars Caspia - Azərbaycanın ən yaxşı mədəni layihələrini öz qanadı altında birləşdirən şirkətdir.

Ars Caspia istedadlı musiqiçiləri, rəssamları və ifaçıları dünyaya tanıdaraq Azərbaycanın mədəni səhnəsinin üfüqlərini genişləndirir. Hər bir layihəmiz - Xəzər dənizi sahilində doğulan, keçmişlə bu gün, ənənə ilə ilham arasında qurulan bir dialoqdur.

Biz konsertlərimizi sadəcə olaraq dinləmək üçün deyil, onu birlikdə yaşamaq üçün yaradırıq.

🎶Ansambl - Ars Caspia Ensemble

Ars Caspia Ensemble  - beynəlxalq səviyyədə tanınmış görkəmli musiqiçiləri birləşdirən kollektivdir. Onların ustalığı, enerjisi və incə zövqü istənilən çıxışı unudulmaz emosional hadisəyə çevirir.

Ansamblın tərkibində Azərbaycanın tanınmış əməkdar artistləri yer almışdır:

Eyvazov Nadir (birinci skripka) - Qara Qarayev adına Azərbaycan Dövlət Kamera Orkestrinin solisti, Azərbaycan, Belçika, Rusiya və Türkiyədə keçirilən beynəlxalq müsabiqələrin laureatı. “Azərbaycanın Gələcəyi” və Prezident Mükafatları laureatı.

Nərgiz Hüseynzadə (ikinci skripka) - Respublika və Beynəlxalq müsabiqələr laureatı. Azərbaycan Opera və Balet Teatrının simfonik orkestrinin solisti.

Orxan Cumayev (violonçel) - Dost İnkluziv orkestrinin baş violonçelçisidir. O, Gürcüstanda keçirilən Tsinandali Festivalı və Neue Philharmonie München simfonik layihəsi də daxil olmaqla, xaricdə müxtəlif orkestrlər və ansambllar ilə çıxış edib.

Rəna Rəhimova (alt) - Azərbaycan Respublikasının əməkdar artisti, Azərbaycan Opera və Balet Teatrının simfonik orkestrinin solisti, beynəlxalq müsabiqələrin laureatı.

Ülviyyə Dadaşova (fortepiano) - respublika və beynəlxalq müsabiqələrin laureatı, Prezident təqaüdçüsü. Adı Azərbaycanın “Qızıl istedadlar kitabı”na yazılıb. Azərbaycanda və xaricdə keçirilən çoxsaylı konsert proqramları və festivalların solisti.

Bu -  yalnız ansambl deyil, bu - canlı musiqi enerjisinin yarandığı əsl yaradıcılıq laboratoriyasıdır.

🎼Proqram

1. P.İ. Çaykovski – “Şelkunçik” baletindən süita
2. P.İ. Çaykovski – “Qu gölü” baletindən səhnələr
3. P.İ. Çaykovski – “Yatmış gözəl” baletindən vals
4. P.İ. Çaykovski – “Fəsillər”
5.  

*Təşkilatçılar proqramda dəyişiklik etmək hüququnu özlərində saxlayırlar.

🎟️ Yer sayı məhduddur.

Fevral ayının ən möhtəşəm musiqi tədbirini qaçırmamaq üçün biletlərinizi əvvəlcədən bron edin.

 

Tədbirin dili: Multilingual
Yaş məhdudiyyəti: 6+