sənətin xəyal gücü ilə qovuşduğuməkan
Bakını bu payız fərqli ritmdə hiss edin — burada sənət yalnız sərgilənmir, yaşanır. “Fly to Baku. Art Weekend. Sense the Future Now” Azərbaycanın yaradıcı ruhunu dünyaya tanıdan, ölkəmizi qlobal mədəniyyət xəritəsində daha da möhkəmləndirən beynəlxalq səviyyəli sənət təşəbbüsüdür.
IDEA-nın təsisçisi və layihənin ilhamverici memarı Leyla Əliyevanın fikrincə:
“Fly to Baku. Sense the NOW — dinləməyə, görməyə, hiss etməyə və təsəvvür etməyə çağırışdır. Bu, yaddaşla xəyalı, irslə yeniliyi, qəlbləri ümidlə birləşdirən körpüdür.”
Suyun simvolizmi ilə yönləndirilən festivala muzeylər, saraylar və şəhər məkanları ev sahibliyi edəcək. Üç gün ərzində Bakı — irslə innovasiyanın qovuşduğu canlı bir səhnəyə çevriləcək, Xəzərin üfüqü isə keçmişi və gələcəyi birləşdirən güzgüyə dönəcək.
31 OKTYABR — 02 NOYABR
Sərgilər, performanslar, konsertlər, açıq hava instalyasiyaları, müzakirələr və uşaqlardan beynəlxalq qonaqlara qədər hər kəs üçün açıq yaradıcı görüşlər şəhər boyu həyata keçiriləcək. “Fly to Baku” həm sənəti təqdim edir, həm onu paylaşır — hər kəsi gələcəyin duyğusunu bu gün yaşamağa dəvət edir.
Ətraflı məlumat və proqram üçün: https://bakuartweekend.az/en/
