rəngarəng kəlağayılarınhazırlanma master-klasları
Azərbaycanın kəlağayı sənətinin vətəni, gözoxşayan Basqal kəndində qədim İpək yolu abu-havası hələ də hiss olunur. Kəlağayı Azərbaycanda qadınlara məxsus gözəl baş örtüyüdür. Qadınların yaşını onların başlarına örtdükləri kəlağayıların rəngindən müəyyənləşdirmək olardı. Keçmişdə kənddəki hər evdə ipəkçilik və kəlağayı istehsalı ilə məşğul olurdular və bu sənətin sirləri nəsildən-nəslə ötürülürdü. Bununla belə, Sovet dövründə bu sənət, az qala, yox olmaq həddində idi. 2000-ci illərin əvvəllərində Basqalda kəlağayı fabrikinin əsasının qoyulmasından sonra bu qədim el sənəti inkişaf etməyə başladı. Həmin vaxtdan etibarən yeni nəsil dizaynerlərin yaradıcılığı sayəsində qədim kəlağayılar sanki ikinci həyatını yaşamağa başladı. Getdikcə müasir gənc qızlar da həvəslə kəlağayı örtürlər. Basqalın çay daşları ilə döşənmiş küçələrində gəzintiyə çıxdıqdan sonra kəlağayı toxuma üzrə master-klaslara qoşula bilərsiniz.
