COVID-19 virusunun yayılmasının qarşısını almaq məqsədilə məhdudiyyətlər və tövsiyələr

Koronavirus xəstəliyinin Azərbaycan ərazisində yarada biləcəyi təhlükənin qarşısının alınması, profilaktik və təxirəsalınmaz tədbirlərin operativ həyata keçirilməsi məqsədilə Nazirlər Kabinetinin yanında aidiyyəti dövlət orqanlarının və qurumlarının rəhbər şəxslərindən ibarət qərargah yaradılmışdır.

AZƏRBAYCANA SƏYAHƏT MƏHDUDİYYƏTLƏRİ

Azərbaycan Respublikası Nazirlər Kabinetinin 2020-ci il 18 aprel tarixli Qərarına əsasən, “Sanitariya-epidemioloji salamatlıq haqqında” Azərbaycan Respublikası Qanununun 25-ci maddəsinə uyğun olaraq, ölkə ərazisində tətbiq edilən xüsusi karantin rejimi 2020-ci il 28 dekabr saat 06.00-dək uzadılmışdır. Bununla əlaqədar Azərbaycan Respublikasının İran İslam Respublikası, Gürcüstan ilə dövlət sərhədinin müvəqqəti bağlı saxlanılması barədə qərarın müddəti 2020-ci il 28 dekabr saat 06.00-dək uzadılır.

"ASAN Viza" elektron portalı vasitəsilə vizaların rəsmiləşdirilməsi dayandırılır. Azərbaycan Respublikasına səfər etmək istəyən xarici ölkə vətəndaşlarının viza rəsmiləşdirilməsi üçün Azərbaycan Respublikasının müvafiq səfirlik və baş konsulluqlarına müraciət etmələri xahiş olunur.

Azərbaycan Respublikasının səfirlik və baş konsulluqlarının konsulluq xidməti xüsusi rejimdə fəaliyyət göstərəcəkdir.

Ümumdünya Səhiyyə Təşkilatının təqdim etdiyi siyahıya əsasən xüsusilə COVID-19 virusunun geniş yayıldığı ölkələrin vətəndaşlarından viza rəsmiləşdirilməsinə müraciət edərkən COVID-19 testindən keçmələri barədə tibbi arayış da tələb olunacaqdır. Bu şərtlər son 14 gün ərzində həmin ölkələrdə olmuş digər əcnəbi vətəndaşlara da şamil olunacaqdır.

Azərbaycana səfər edən əcnəbi ölkə vətəndaşları fərdi tibbi göstəricilər nəzərə alınmaqla 14 gün müddətinə karantin rejiminə yerləşdirilə və ya ev şəraitində 14 günlük fərdi karantin rejiminə riayət etmələri tələb oluna bilər. Həmçinin, əcnəbi ölkə vətəndaşları COVID-19 testindən keçirilə bilər.

COVID-19 pandemiyası ilə bağlı dünyadakı vəziyyət təhlil edilmiş və virusun ölkə ərazisində geniş yayılmasının qarşısının alınması məqsədilə yükdaşımaları və çarter reysləri istisna olmaqla, Azərbaycan Respublikası ərazisinə yerüstü və hava yolu ilə giriş-çıxışa tətbiq olunan məhdudiyyət 28 dekabr 2020-ci il tarixədək uzadılıb.

Çin Xalq Respublikası, Cənubi Koreya, İran İslam Respublikası, Yaponiya, İtaliya, İspaniya, Fransa, Almaniyadan qayıdan Azərbaycan Respublikası vətəndaşları 14 və ya tələb olunduğu halda, 21 günlük karantin rejiminə yerləşdiriləcəklər.

Əksər dövlətlər hava reyslərini təxirə saldığından 2020-ci il mart ayından etibarən xaricdə olan və Azərbaycana qayıtmaq istəyən vətəndaşlarımıza müraciətlər edilmiş, Azərbaycan hökuməti tərəfindən ayrılmış müntəzəm çarter reysləri üzrə İran, Türkiyə, Rusiya, İtaliya, Macarıstan və digər ölkələrdən soydaşlarımızın geri dönüşü təmin olunmuşdur.

Xüsusi qaydalar ilə hal-hazırda həyata keçirilən uçuşlar aşağıdakılardır:

  • Bakı-İstanbul-Bakı, AZAL reysi, həftədə 11 dəfə
  • Bakı-İstanbul-Bakı, Türk Hava Yolları reysi, həftədə 4 dəfə
  • Bakı-Minsk, Belavia reysi, həftədə 2 dəfə
  • Bakı-London-Bakı, AZAL reysi, həftədə 1 dəfə
  • Bakı-Berlin-Bakı, AZAL reysi, həftədə 1 dəfə
  • Bakı-Dubay-Bakı, FlyDubai reysi, həftədə 2 dəfə
  • Bakı-Frankfurt-Bakı, Lufthansa reysi, həftədə 2 dəfə
  • Bakı-Moskva-Bakı, Aeroflot reysi, həftədə 2 dəfə
  • Bakı-Kiev-Bakı, Ukrayna Beynəlxalq Hava Yolları reysi, həftədə 2 dəfə
  • Bakı-Ankara-Bakı, AZAL reysi, həftədə 2 dəfə
  • Bakı-Antalya-Bakı, AZAL reysi, həftədə 1 dəfə

SƏYAHƏT EDƏN ŞƏXSLƏR ÜÇÜN ÜMUMİ TÖVSİYƏLƏR

Azərbaycana səfər edən şəxslərdən aşağıdakı tövsiyələrə əməl etmək xahiş olunur:

Son iki həftə üçün sağlamlıq vəziyyətinizi yoxlayın;

Özünüzdə qrip, soyuqdəymə, halsızlıq və digər bu kimi halları müşahidə etdikdə, öskürək, burun axması olduqda, qoruyucu maska taxın;

Vəziyyətin daha da kritikləşməsini gözləmədən həkimə müraciət edin. Xəstəxanaya öncədən zəng edərək bu haqda məlumat verin.

TƏCİLİ YARDIM XİDMƏTİ

Təcili tibbi yardım üçün zəng edin

103, 113, 1542

Turistlər aşağıdakı tədbirləri görməlidirlər:

  • Sabun və su və ya spirt tərkibli antiseptik vasitə ilə tez-tez əllərinizi yuyun;
  • Gözlər, burun və ağzınıza toxunmayın;
  • Öskürərkən və ya asqırarkən ağzınızı bükülmüş dirsək və ya salfet parçası ilə örtün, daha sonra isə həmin salfet parçasını bağlı zibil qutusuna atın;
  • Soyuqdəymə və ya qripəbənzər simptomları olan şəxslərlə yaxın təmasdan qaçın;
  • Hərarətiniz və ya öskürəyiniz olarsa, yaxud tənəffüs zamanı çətinlik çəkirsinizsə, həkimə müraciət edin.

 

KÜTLƏVİ TƏDBİRLƏRİN LƏĞVİ

Azərbaycan Respublikası Nazirlər Kabineti yanında Operativ Qərargahın qərarına əsasən, 14 mart 2020-ci il saat 00:00-dan etibarən ölkə üzrə bütün kütləvi tədbirlər təxirə salınır, artıq təyin olunmuş tədbirlərin tarixi dəyişdirilir.

Dövlət Turizm Agentliyi və Azərbaycan Turizm Bürosu yerli və xarici turistlər üçün sağlam və təhlükəsiz mühitin təmin olunması ilə bağlı öhdəlik götürüb. Dəstəyinizə və anlayışla qarşıladığınız üçün təşəkkür edirik!

 

TEZ-TEZ SORUŞULAN SUALLAR

1. COVID-19 virusunun geniş yayılması səbəbi ilə Azərbaycana səfər etmək təhlükəsizdir?

COVID-19 virusunun yayılması və pandemiya halına gəlməsindən etibarən bütün dünya böyük problemlə üz-üzədir. Bütün turistlərin səfər zamanı Ümumdünya Sağlamlıq Təşkilatının təlimatlarını ciddi şəkildə izləməsi və virusa yoluxmaq ehtimalını azaltması tövsiyə olunur.

2. Azərbaycanda koronavirusa neçə yoluxma halı qeydə alınıb?

Hazırkı dövrədək ölkəmizdə 95281 nəfərin koronavirus infeksiyasına yoluxması faktı müəyyən edilmiş, onlardan 64475 nəfər müalicə olunaraq sağalmış, 1160 nəfər vəfat etmiş, 29646 nəfərin xüsusi rejimli xəstəxanalarda müalicəsi davam etdirilir.

3. Azərbaycana səfər etsəm, koronavirusa yoluxma riski ilə üzləşəcəyəm?

COVID-19 virusunun Azərbaycan ərazisində yarada biləcəyi təhlükənin qarşısının alınması məqsədi ilə Azərbaycan Respublikasının Prezidenti İlham Əliyevin tapşırığına əsasən 2020-ci il yanvar ayından zəruri qabaqlayıcı tədbirlər görülmüş, profilaktik və təxirəsalınmaz qərarların həyata keçirilməsi üçün Azərbaycan Respublikası Nazirlər Kabinetinin yanında aidiyyəti dövlət qurumlarından ibarət Operativ Qərargah yaradılmışdır. Ümumdünya Səhiyyə Təşkilatı və digər beynəlxalq qurumlarla COVID-19 virusu ilə mübarizə çərçivəsində sıx əməkdaşlıq qurulmuşdur.

4. Azərbaycan hər hansı ölkədən səfərlərə məhdudiyyətlər qoyur?

COVID-19 pandemiyası ilə bağlı dünyadakı vəziyyət təhlil edilmiş və virusun ölkə ərazisində geniş yayılmasının qarşısının alınması məqsədilə yükdaşımaları və çarter reysləri istisna olmaqla, Azərbaycan Respublikası ərazisinə yerüstü və hava yolu ilə giriş-çıxışa tətbiq olunan məhdudiyyət 28 dekabr 2020-ci il tarixədək uzadılıb.

“ASAN Viza” elektron portalı vasitəsilə vizaların rəsmiləşdirilməsi dayandırılır. Azərbaycan Respublikasına səfər etmək istəyən xarici ölkə vətəndaşlarının viza rəsmiləşdirilməsi üçün Azərbaycan Respublikasının müvafiq səfirlik və baş konsulluqlarına müraciət etmələri xahiş olunur.

Ümumdünya Səhiyyə Təşkilatının təqdim etdiyi siyahıya əsasən xüsusilə COVID-19 virusunun geniş yayıldığı ölkələrin vətəndaşlarından viza rəsmiləşdirilməsinə müraciət edərkən COVID-19 testindən keçmələri barədə tibbi arayış da tələb olunacaqdır. Bu şərtlər son 14 gün ərzində həmin ölkələrdə olmuş digər əcnəbi vətəndaşlara da şamil olunacaqdır.

5. Azərbaycana səfər edərkən hansı profilaktik tədbirləri görməliyəm?

Bütün turistlərin səfər zamanı Ümumdünya Sağlamlıq Təşkilatının təlimatlarını ciddi şəkildə izləməsi və virusa yoluxmaq ehtimalını azaltması tövsiyə olunur. Turistlər aşağıdakı tədbirləri görməlidirlər:

  • Sabun və su və ya spirt tərkibli antiseptik vasitə ilə tez-tez əllərinizi yuyun;
  • Gözlər, burun və ağzınıza toxunmayın;
  • Öskürərkən və ya asqırarkən ağzınızı bükülmüş dirsək və ya salfet parçası ilə örtün, daha sonra isə həmin salfet parçasını bağlı zibil qutusuna atın;
  • Soyuqdəymə və ya qripəbənzər simptomları olan şəxslərlə yaxın təmasdan qaçın;

Hərarətiniz və ya öskürəyiniz olarsa, yaxud tənəffüs zamanı çətinlik çəkirsinizsə, həkimə müraciət edin.

Azərbaycan Respublikasının ərazisində yeni növ koronavirus (COVID-19) infeksiyasının insanlar arasında kütləvi yayılmasının qarşısının alınması məqsədilə şəhərlərarası (rayonlararası) və şəhərdaxili (rayondaxili) sərnişindaşımada istifadə olunan nəqliyyat vasitələrində, bazarlarda, qapalı ictimai iaşə, ticarət və xidmət obyektlərində, tarix və mədəniyyət abidələri hesab edilən qapalı məkanlarda, ibadət yerlərində, elm və səhiyyə müəssisələrində, sosial, mədəniyyət və digər bu kimi qapalı obyektlərdə, eyni zamanda ictimai nəqliyyat dayanacaqlarında, bilet kassalarının, bankomatların (ATM) və ödəniş terminallarının, ticarət, iş və xidmət obyektlərinin qarşısında növbədə, insanların toplaşdığı və yaxın təmasda olduğu açıq havadakı ictimai yerlərdə sosial məsafəni gözləmək (insanlar arası məsafə 1,5-2 metr) şərtilə tənəffüs yollarını qoruyan fərdi vasitələrdən istifadə edilməlidir.

6. Azərbaycanda müxtəlif məkanlara səfər etmək (məsələn, ticarət mərkəzləri, turizm obyektləri və s.) təhlükəsizdir?

Ölkəmizdə müxtəlif məkanlara getməyi planlaşdırarkən Nazirlər Kabinetinin veb-saytı və müxtəlif xəbər saytlarını izləməyiniz tövsiyə olunur.

7. Özümdə hər hansı xəstəlik əlamətləri hiss etsəm, hansı nömrələrlə əlaqə saxlaya bilərəm?

Bakı daxilində 103, Bakı xaricində 113 və ya 1542 nömrələri ilə əlaqə saxlamaq lazımdır.

8. Formula 1 və UEFA Avro 2020 ləğv ediləcəkmi?

17 martda verilən qərara əsasən, UEFA “Avro 2020”-ni 2021-ci ilə təxirə salıb. 12 iyunda verilən qərara əsasən, “Formula 1 Azerbaijan Grand Prix 2020” ləğv olunub.

9. Azərbaycandakı turizm obyektləri fəaliyyət göstərir?

Azərbaycan Respublikası Nazirlər Kabineti yanında Operativ Qərargahın qərarına əsasən, ölkə ərazisində:

  • ölkə üzrə bütün kütləvi tədbirlər təxirə salınır, artıq təyin olunmuş tədbirlərin tarixi dəyişdirilir;
  • ölkə üzrə kinoteatrların, teatrların, əyləncə mərkəzlərinin, idman zallarının fəaliyyəti dayandırılır;
  • restoran və kafelərdə kütləvi şənliklərin, məclislərin təşkili qadağan edilir.

2020-ci il 31 avqust saat 00:00-dan 28 dekabr saat 06:00-dək sərt karantin rejimi tətbiq edilir. Sərt karantin rejimi tətbiq edilən zaman ərzində ticarət mərkəzlərinin fəaliyyəti dayandırılır. Ictimai iaşə obyektlərinin yerində fəaliyyətinə şənbə və bazar günləri istisna olmaqla 09:00-dan 00:00-dək icazə verilir. Şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə yerində xidmətlər dayandırılır.

Xüsusi karantin rejimi dövründə operativ və xüsusi təyinatlı nəqliyyat vasitələrinin, habelə yükdaşıyan avtomobillərin hərəkəti istisna olmaqla, Sabirabad şəhərinə, Sabirabad rayonunun Cavad, Türkədi, Qalağayın və Kürkəndi kəndlərinə, Şəki şəhərinə və Kiş kəndinə, Lənkəran rayonunun Şağlaküçə və Şıxəkəran kəndlərinə, Quba şəhərinə, Quba rayonunun Rustov və Zərdabi kəndlərinə, Mingəçevir şəhərinə, Lənkəran şəhərinə, Ağstafa, Biləsuvar, Xaçmaz, İsmayıllı, Qax, Zaqatala, Cəlilabad, Masallı rayonlarına giriş-çıxış dayandırılır.

10. Pandemiya ilə əlaqədar Azərbaycan turizminə nə dərəcədə ziyan dəyib?

COVID-19 virusunun bütün dünyada geniş yayılması bir sıra problemlərə səbəb olmuşdur. Hazırda ölkəmizin vətəndaşları və qonaqlarının sağlamlığı və təhlükəsizliyinin təmin edilməsi üçün görülən tədbirlər xüsusi əhəmiyyət daşıyır.

COVID-19 virusunun yayılmasının qarşısını almaq məqsədilə məhdudiyyətlər və tövsiyələr